 |
| Al so Watch this video on YouTube https://youtu.be/zG6ezPg5pWw |
مو ضوع *نابینا کو طاقت و شعور بخشنا*
********************
دربان حافظ محمد اکرم نابینا کو جس آدمی کو بلانے کا اشارہ ہوتا اس آدمی کو ملاقات کے لئے جانے کا کہتے، رات کو کسی آدمی کے لیے فرمان ہوتا تو وہ آدمی خواہ کسی جگہ سویا ہوتا یا بہت سے آدمیوں میں سویا ہوتا دربان اُسی کو جا کر جگاتا کہ ملاقات کے لیے تمہیں یاد فرمایا گیا ہے
حضور قبلۂ عالم حضرت خواجہ زندہ پیر صاحب رحمتہ اللّٰہ تعالٰی علیہ کے وضو اور غسل کے لیے پانی حافظ محمد اکرم خود کنوئیں سے نکالا کرتے تھے، اس وقت ٹین چوراسی ہاتھ گہرائی میں جاتا تھا اکرم ایک منٹ میں اتنی گہرائی سے ٹین نکالا کرتا تھا
مہر علی نام کے ایک درباری نے حافظ اکرم کو کہا تجھے ابھی تک پیر صاحب نے کیا دیا ہے، کنوئیں سے پانی اتنی تیزی سے نکالتا ہے سوئے ہوئے آدمی کو اس کے سر پر کھڑے ہو کر جگاتا ہے تجھے ابھی تک خلافت نہیں دی گئی
مہر علی کی بات میں چکر کھا کر بوجہ سادگی دربان حافظ محمد اکرم نے حضور قبلۂ عالم رحمتہ اللّٰہ تعالٰی علیہ کی بارگاہ میں اپنی محرومی کا اظہار کر دیا آپ حضور نے فرمایا جاؤ کنوئیں سے ایک ٹین پانی نکال لاؤ، پانی کا بھرا ہوا ٹین نکالنے کے لیے اکرم نے بہت زور لگایا ہر حیلہ کیا ٹین واپس نیچے گر جاتا، مجبور و درماندہ ہو کر ٹین چھوڑ دیا جو کنوئیں کی تہہ میں جا لگا جبکہ چوراسی ہاتھ گہرائی سے ایک منٹ میں ٹین نکالا کرتا تھا
رات پڑی تو آپ حضور نے فرمایا تہہ خانے سے فلاں بندے کو بلا لاؤ بیشتر ازیں جس آدمی کے لیے فرمان ہوا اس کے سر پر پہنچ کر دربان آواز دیتا، ابھی یہ حالت تھی کہ کبھی کسی دیوار کے ساتھ ٹکر لگتی ہے کبھی کانٹوں میں پھنس جاتا ہے کبھی بجائے تہہ خانہ کے لنگر خانہ میں جا پہنچتا ہے
پُرندامت واپس آ کر معذوری کا اظہار کرتا ہے حضور قبلۂ عالم رحمتہ اللّٰہ تعالٰی علیہ نے فرمایا تمہیں یہ طاقت یہ شعور کس نے دیا ہے آج ہی تم سے یہ طاقت یہ شعور واپس لے لیا گیا ہے تو اپنا حال دیکھ لیا ہے یہ تمہیں دین ہے عطا ہے، ایک امتیازی حیثیت ہے، مت کسی کی سنو، جاؤ اپنی ڈیوٹی کرو
پھر وہی پہلے والا شعور عود کر آیا، ٹین نکالنے کی وہی طاقت اور آدمی کو ملاقات کے لیے بھیجنے کی صلاحیت بحال ہوگئی.
میں آپ کے دامن میں چھپ جاؤں چپکے سے
جب عرصۂ محشر میں وہاں داد گری ہوگی
( حوالہ : کَنزُ العِرفان ۔ صفحہ 212 )
( مصنف : خلیفہ حضرت صوفی رب نواز صاحب رحمتہ اللّٰہ تعالٰی علیہ )
💖✨اللّٰه ہُو✨💖✨اللّٰه ہُو✨💖✨اللّٰه ہُو✨💖